منتدى فضائى : اصلاح وصيانة الريسيفرات والاجهزه الكهربائيه وتحديد اتجاه الاقمار الصناعيه واقوى السيرفرات المجانيه والمدفوعه لفتح القنوات المشفرة واحدث البرامج الخاص بالكمبيوتر  

الرئيسيةبحـثاليوميةس .و .جالتسجيلدخول



شاطر | 

 

  البرنامج اليومي لل30 يوم في رمضان

استعرض الموضوع السابق استعرض الموضوع التالي اذهب الى الأسفل 
معلومات العضـو
محمد صبحي
المديرالعام
avatar
رقم العضوية : 1
تاريخ التسجيل : 17/05/2016
المشاركات : 459
الدولة : مصر
#1مُساهمةموضوع: البرنامج اليومي لل30 يوم في رمضان   الإثنين يونيو 20, 2016 10:19 pm




ندخل علطول ومن غير مقدمات علي البرنامج اليومي لل ٣٠ يوم ان شاء الله



- ايه بقي اللي المفروض نعمله إبتداءً من ليلة رمضان إن شاء الله ؟؟



بسم الله



١- ال ٥ صلاوات في المسجد للشباب

- ال ٥ صلاوات في وقتهم بدون تأخير للبنات



٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء )



٣- صلاة الضحي ( بتبدأ من بعد شروق الشمس ب ربع ساعه ... لحد قبيل أذان الظهر ب ربع ساعه ..... أقلّها ركعتين لحد ٨ ركعات ..إنت وهمّتك )



٤- أذكار الصباح والمساء ( أذكار الصباح بعد الفجر .... وأذكار المساء بعد العصر ..... لو نسيت تقولهم في ميعادهم قولهم مجرد ما تفتكر المهم متسبهمش )



٥- صلاة التراويح

- للشباب .... في المسجد طبعا مع إلامام واختار إمام يكون صوته حلو علشان تحسّ بالصلاه



- للبنات .... الافضل إنك تصليها في البيت ... بس لو عاوزه تنزلي إنزلي باللبس المنضبط وبكامل وقارك ...مش هتعرفي خلّيكي في بيتكوا أحسن



٦- الصدقه ( جنيه واحد يوميا ... وانت خارج من صلاة العصر إعطيه لأول سائل يقابلك ..... يبقي عندك ٣٠ جنيه في الشهر كله ....ولو انت مُيسّر الحال وربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الفقير )



٧- عمره او حج أسبوعيا ( إختار يوم في الاسبوع بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجه وعمره تامه تامه تامه .... اعمل الموضوع ده ٤ مرات في الشهر )



٨- قراءة القرآن



- لأصحاب الهمم العاليه مش أقل من ٥ ختمات في الشهر .... بواقع ٥ أجزاء يومياً ... يعني هتختم كل ٦ أيام مره



- لأصحاب الهمم المتوسطه مش أقل ٣ ختمات في الشهر ... بواقع ٣ أجزاء يوميا .... يعني هتختم كل ١٠ أيام مره



- للمبتدئين وأصحاب المشاغل ... مش أقل من ختمه في الشهر .... بواقع جزء كل يوم فقط



٩- الدعاء ( عندك ٣ أوقات انا مسمّيهم وقت تحقيق المعجزات )



- ال ربع ساعه قبل الفطار

- الساعه اللي قبل الفجر

- اخر ساعه بعد العصر من كل جمعه



( طبعا إنت محضّر الادعيه والحاجات اللي نفسك فيها وبتتمناها في ورقه ...... لحّ علي ربنا في ال ٣ أوقات دول .... أقسملك هتشوف دعائك بيتحقق بعد رمضان كفلق الصبح ) شرط انك تدعي بإخلاص ويقين وصدق



١٠- ركعتين في جوف الليل ( عاااااارف ياسيدي والله إنك صليت التراويح .... بس ده ميمنعش انك تصلي ركعتين خفاف في وقت النزول الالهي ... علشان تبقي مُميّز مش زيك زي الناس ) .... وكمان ربنا بيقول ( وتزوّدوا فإن خير الزاد التقوي )



--------------------



دول ١٠ خطوات .... قسماً غير حانث ... إنك لو داومت علي ال ١٠ دول ....خلال ال ٣٠ يوم ..... هيكون أحسن رمضان عيشته في حياتك ....وهتخرج من رمضان إنسان نقي تقي ..... كأنك لسه مولود .... مين عارف مش جايز رمضان السنه دي هو نقطة انطلاقك اللي كنت مستنّيها من زمان ؟ جايز



---------------------

وأخيرا



انا واثق إنك هتنفّذ البرنامج ده .....



عاوز اطلب منك طلبين



-الاول إنك تشيّر الكلام ده ... علشان يوصل لأكبر عدد ممكن ..... وعلشان أجرك يزيد ( الدال عالخير له أجر فاعله )



- الثاني .... منشن حد صاحبك ... .... خطيبك .... جوزك .... أختك .... أي حد غالي عليك ..... علشان تنافسوا بعض .... وتعملوا البرنامج سوا .... علشان متحسش إنك لوحدك فتكسّل .... وعلشان برده تدخلوا الجنه سوا...



منقول ويمكنك نقله أو نشره لتعم الفائدة والدال على الخير كفاعله
* توقــــــيع العضــو = محمد صبحي*




[ندعوك للتسجيل في المنتدى أو التعريف بنفسك لمعاينة هذه الصورة]



الرجوع الى أعلى الصفحة اذهب الى الأسفل
 
البرنامج اليومي لل30 يوم في رمضان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المصراويه  :: المنتديات الاسلامية :: شهـر رمضــان المبــارك-
انتقل الى:  
أختر لغة المنتدى من هنا
الساعة الآن

اخـرالمواضيــع حصريااللودر المعجزة لشحن وسحب فلاشات ستار لايف v5 وعائلة dream link _k1 الأربعاء نوفمبر 07, 2018 11:44 pm من طرف محمد صبحي ريسيفر رويال 777 الاسود الصينى لمبة حمراء الجمعة أكتوبر 12, 2018 11:49 pm من طرف tamsad احدث ملف قنوات بتاريخ 1 / 8 / 2017 (عربى اسلامى) للاجهزة الصينية المزودة بــ usb امـــامـــى الثلاثاء أكتوبر 02, 2018 9:48 pm من طرف shafeycolor شرح تشغيل فلاشه الانترنت على الجوكر مباشره بالتفصيل الممل وبالصور الثلاثاء أغسطس 28, 2018 9:48 pm من طرف محمد صبحي ملفات قنوات عربى للاجهزة الصينى بنسبة 95% للمعالج Ali بتاريخ 2017/10/1 الأحد يوليو 22, 2018 12:13 pm من طرف محمدعجوز

Powered by vBulletin Forums ahlamontada
(Copyright ©2000 - 2018, phpBB2 subsilver)


ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* * * ( ا لــمــصـــر ا و يــــــــــه ) * * *